नेपालगञ्ज : बाँकेमा कोरोना संक्रमणका कारण थप ७ जनाको मृत्यु भएको छ । भेरी अस्पतालमा ४ जना र नेपालगञ्ज मेडिकल कलेज कोहलपुरमा ३ जनाको मृत्यु भएको हो । मृत्यु हुनेमा बाँकेका २ जना, बर्दियाका २ जना तथा दाङ, कैलाली र कंचनपुरका १÷१ जना छन् ।
जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीका अनुसार भेरी अस्पतालमा उपचाररत जानकी ९ कैलालीकी ७४ वर्षीया महिला, बाँसगढी ५ बर्दियाकी ७५ वर्षीया महिला, नेपालगञ्ज २० बाँकेकी ५५ वर्षीया महिला र गुलरिया ५ बर्दियाका ८० वर्षीय पुरुषको कोरोनाबाट मृत्यु भएको छ ।
त्यस्तै नेपालगञ्ज मेडिकल कलेज कोहलपुरमा उपचाररत नेपालगञ्ज २० बाँकेका ५७ वर्षीय पुरुष, पुनर्वास ६ कंचनपुरकी ४७ वर्षीया महिला र घोराही ३ दाङकी ५६ वर्षीय महिलाको मृत्यु भएको छ ।
योसंगै कोरोनाबाट बाँकेका २८४ जनाको मृत्यु भएको छ भने बाहिरी जिल्लाका २६४ जनाको मृत्यु भएको छ ।
