सदरलाइनडटकम
१० मंसिर, नेपालगन्ज : घर शान्ति नै विश्व शान्तिको आधार दिगो विकासका लागि लैंगिक हिंसा रहित समाज भन्ने मुल नाराका साथ १६ दिने महिला हिंसा विरुद्धको अभियानको बाँकेमा सुरुवात गरिएको छ । जिल्ला प्रहरी कार्यालयका प्रमुख टेकप्रसाद राइले जिल्ला प्रहरी कार्यालयमा आाउने अधिकांश हिंसाका घटना घरेलु हिंसा रहेको बताउदै हिंसा न्युनिकरणको निम्ति नर र नारी हिंसा रहित हुन जरुरी रहेको बताए ।
गैसस महासंघका अध्यक्ष प्रमोद रिजालले प्रत्येक व्यक्ति महिसा गर्दिन सहन्न र हुन दिन्न भन्ने प्रतिबद्धता गर्ने हो भने महिला हिंसा अन्त्य गर्न सकिने बताए । महिला बालबालिका कार्यालय बाँकेका अधिकृत सुनिता के.सी.१६ दिने महिला हिंसा विरुद्धको अभियानको इतिहासको बारेमा जानकारी गराउदै हिंसा न्युनिकरणको अगुवाइ पुरुषले गर्न जरुरी रहेको बताइन ।
विभिन्न व्यानर र प्लेकार्ड सहित विपिचोकबाट निकालिएको र्यालीधम्बोझी चोक हुदै सेतु विक चोकमा गएर कोणसभा परिणत भएको थियो । र्यालीमा सरकारी गैरसरकारी संघसंस्था प्रतिनिधि , प्रहरीको व्याण्डबाजा सहितको उपस्थिति रहेको थियो । र्यालीमा १६दिने महिला हिंसा विरुद्धको अभियानको पम्प्लेट र सेतोरिवन वितरण गरीएको थियो ।
