नेपालगञ्ज : बाँके प्रहरीले कर्तब्य ज्यान र डाँका मुद्दामा संलग्न रहेका फरार अभियुक्त पक्राउ गरी आवश्यक कारवाही अघि बढाएको छ ।
बाँकेको साविक उढरापुर गाविस ६ हाल खजुरा गाउपालिका ५ बस्ने बर्ष २९ को लियाकत अलि वेहना भन्ने पेलरु बेहनाका बिरुद्ध २०७० कात्तिक ३ गते कर्तब्य ज्यान र डाँका मुद्दा दर्ता भएको अवस्था हालसम्म भागी फरार रहेको हुँदा निजलाई नियन्त्रणमा लिएर आवश्यक अनुसंधान अघि बढाएको प्रहरीले जनाएको छ ।
बाँके प्रहरीले फरार रहेका बेहनालाई आवश्यक कारवाहीको लागि जिल्ला अदालत बाँकेमा उपस्थित गराईएको जनाएको छ । प्रहरीले बाँकेमा हालसम्म ५ सय ७८ जना फरार अभियुक्त पक्राउ गरी सकेको र यो अभियान निरन्तर चलिरहेने जनाएको छ ।
