नेपालगञ्ज : बाँकेमा थप दुई जनाको कोरोना संक्रमणबाट मृत्यु भएको छ । भेरी अस्पतालमा उपचाररत बैजनाथ गाउँपालिका वडा नम्बर १ चिसापानीका ४३ बर्षीय पुरुषको मृत्यु भएको हो । मृतक पुरुषको आज दिउँसो २ बजेर ४५ मिनेटमा मृत्यु भएको हो ।
यस्तै भेरी अस्पतालमा उपचाररत बाँकेको खजुरा गाउँपालिका वडा नम्बर २ की ४८ वर्षीया महिलाको मृत्यु भएको जिल्ला कोभिड–१९ संकट व्यवस्थापन केन्द्रका फोकल पर्सन तेज वलीले बताए ।
यो संगै कोरोनाबाट बाँकेका ९५ जनाको मृत्यु भइसकेको छ भने बाहिरी जिल्लाका १०६ जनाको मृत्यु भएको छ ।
