नेपालगञ्ज : नेपाल मुद्रण उद्योग संघ बाँकेको शनिबार नेपालगञ्जमा भएको जिल्ला भेलाले विनोद पौडेलको अध्यक्षतामा नयाँ कार्यसमिति चयन भएको छ ।
मिसन मल्टिमिडिया प्रालिका प्रबन्धक, मिसन अपसेट प्रेसका सञ्चालक समेत रहेका पौडललाई अध्यक्षमा निर्विरोध चयन गरेको हो । संघको उपाध्यक्षमा विधान न्यौपाने र चिन्तामणी उपाध्याय, सचिवमा नोखराज रावत र कोषाध्यक्षमा मो. वहाव खाँलाई चयन गरेको छ ।
यस्तै संघको सदस्यहरुमा हरिप्रसाद ज्ञवाली, मिना ढकाल, ढकबहादुर थारु, दुर्गा प्रसाद रेग्मी र सुवास ठठरे रहेका छन् । यसैगरी शनिबार नै बसेको जिल्ला भेलाले सात सदस्यीय सल्लाहकार समिति समेत गठन गरेको छ ।
सल्लाहकारहरुमा पूर्णलाल चुके, मेघराज ओली, तपेन्द्र विक्रम शाह, मिना सुवेदी ढकाल, ज्योतिलाल भण्डारी, चण्डीप्रसाद गैरै र कुशुम बस्नेत रहेका छन् । अध्यक्ष पौडेलले छरिएर रहेका मुद्रण व्यवसायीहरुलाई पेसागत रुपमा एकताबद्ध गर्दै संघ अघि बढ्ने बताए । उनले बाँकेका सम्पूर्ण व्यवसायीका हकहितका पक्षमा संघले काम गर्ने प्रतिबद्धता जनाए ।
