नेपालगञ्ज : भेरी अस्पताल नेपालगञ्जको पिसीआर ल्यावमा गरिएको परीक्षणमा ३३ जनामा कोरोना भाईरस संक्रमण पुष्टि भएको छ । अस्पतालद्वारा बुधवार जारी विवरणअनुसार पछिल्लो २४ घण्टामा १ सय १ जनाको नमुना परीक्षण गरिएकोमा बिभिन्न जिल्लाका ३३ जनामा संक्रमण पुष्टि भएको हो ।
सबैभन्दा बढि संक्रमित बाँकेका रहेका छन् । बाँकेका १६, बर्दियाका ७, सुर्खेतका ४, कैलालीका २ तथा प्युठान र सल्यानका एकएक जनामा संक्रमण पुष्टि भएको अस्पतालले जनाएको छ ।
भेरी अस्पतालमा हालसम्म प्राप्त ४९ हजार २ सय २७ जनाको नमुना परीक्षण गर्दा ४ हजार ३ सय ८३ जनामा संक्रमण पुष्टि भईसकेको अस्पतालको विवरणमा उल्लेख छ ।
