नेपालगञ्ज : भेरी अस्पतालको प्रयोगशालामा गरिएको परीक्षणमा बाँकेका २१ सहित ५४ जनामा कोरोना पुष्टि भएको छ । पछिल्लो २४ घण्टामा १ सय १८ जनामा गरिएको परीक्षणमा बाँकेका २१ सहित रुकुम, जाजरकोट, बर्दिया, हुम्ला र जुम्लाका ५४ जनामा कोरोना पुष्टि भएको हो ।
हालसम्म ४९ हजार ६६ जनाको परीक्षण गर्दा ४ हजार ३ सय ३९ जनामा कोरोना देखिएको भेरी अस्पतालले सोमवार बेलुकी जारी गरेको सूचनामा उल्लेख छ । कोरोनाका कारण बाँकेमा ३८ जनाको ज्यान गइसकेको छ ।
