नेपालगञ्ज : कैलालीका थप एक कोरोना संक्रमित पुरुषको बाँकेमा मृत्यु भएको छ । भेरी अस्पताल नेपालगञ्जमा उपचारका क्रममा शनिवार राती १० बजेर ५० मिनटमा कैलालीको भजनी नगरपालिका वडा नं. ८ का ६५ बर्षीय पुरुषको मृत्यु भएको हो ।
कोरोना पोजेटिभ देखिएपछि होम आइसोलेशनमा बस्दै आएका उनको स्वास्थ्यमा समस्य देखिएपछि कार्तिक २८ गते भेरी अस्पतालमा भर्ना गरिएको थियो । रोगको प्रकृतिअनुसार सबै उपचार गर्दासमेत अवस्था बिग्रिँदै गएपछि उनको शनिवार राती मृत्यु भएको कोभिड–१९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिए ।
योसँगै बाहिरी जिल्लाबाट आएर बाँकेमा उपचारका क्रममा मृत्यु भएकाको संख्या ३७ पुगेको छ ।
