नेपालगञ्ज : उपचारकालागि बाँके आएका दाङका एक कोरोना संक्रमितको मृत्यु भएको छ । बिहीवार राती भेरी अस्पताल नेपालगञ्जमा उपचारका क्रममा लमही नगरपालिका १० दाङका ६४ बर्षीय पुरुषको मृत्यु भएको हो ।
स्वास्थ्यमा समस्या देखिएपछि ती पुरुषले गएको १३ गते राप्ती स्वास्थ्य विज्ञान प्रतिष्ठान घोराहीमा स्वाव दिएका थिए । त्यसको भोलिपल्ट रिपोर्ट पोजेटिभ आएको थियो । उनलाई त्यसैदिन कोरोना विशेष अस्पताल बेलझुण्डीमा भर्ना गरेर उपचार शुरु गरिएको थियो । तर अवस्थामा सुधार नआएपछि उनलाई १९ गते भेरी अस्पतालमा भर्ना गरिएको थियो ।
स्वास्थ्य अवस्था थप बिग्रिँदै गएपछि उनको उपचारका क्रममा बिहीवार राती ९ बजे मृत्यु भएको बाँकेका कोरोना फोकलपर्सन नरेश श्रेष्ठले जानकारी दिए । योसँगै बाँकेमा बाहिरी जिल्लाबाट उपचारका क्रममा आएका २४ जना कोरोना संक्रमितको मृत्यु भएको छ ।
