नेपालगञ्ज : बाँकेको कोहलपुर नगरपालिका वडा नम्बर ३ मैटहवा नजिकै टिप्परले म्याजिकलाई ठक्कर दिँदा १३ जना घाइते भएका छन् । सोमबार बिहान पूर्व पश्चिम राजमार्ग अन्तर्गत कोहलपुरबाट बाँसगढी तर्फ जाँदै गरेको भे १ ज ७४७ नम्बरको म्याजिक भ्यानलाई पछाडिबाट टिप्परले ठक्कर दिएको थियो ।
ठक्करबाट म्याजीक चालक सहित सवार गरी १३ जना घाइते भएका छन् । बाँसगढी ४ का रमेश थारु, बारावर्दिया ९ का अन्जु चौधरी, कोहलपुरका १ का कमला कुमारी देवकोटा, बाँसगढी की विष्णु कला खत्री, बाराबर्दियाका ७ का सुनिता नेपाली, सुर्खेत लेखबेशी ४ का प्रेम चादरा, बैजनाथ ६ का अप्सरा बुढाथोकी, बैजनाथ ६ का करण बहादुर दादेल, बैजनाथ ३ का पठे एरी, बैजनाथ ३ की सपना परियार, बाँसगढी २ का प्रशान्त विष्ट, कोहलपुर ५ की टिका कुमारी जिसी र म्याजिक चालक कोहलपुर २ का प्रविन विक घाइते भएका हुन् । घाईते सबै जनाको अवस्था सामान्य रहेको प्रहरीले जनाएको छ ।
टिप्पर र टिप्पर चालकलाई मदन चोक प्रहरी बिटको नियन्त्रणमा रहेको प्रहरीले जनाएको छ ।
