नेपालगञ्ज : नेपालगञ्जस्थित भेरी अस्पतालको प्रयोगशालामा गरिएको परीक्षणमा २४ जनामा कोरोना पुष्टि भएको छ । भेरी अस्पतालले शनिवार जारी गरेको विवरणअनुसार बाँके, बर्दिया र दाङका २४ जनामा संक्रमण देखिएको हो ।
पछिल्लो २४ घण्टामा २ सय ६१ जनाको स्वाव परीक्षण गर्दा दाङका १, बर्दियाका ५ र बाँकेका १७ जनामा संक्रमण देखिएको अस्पतालले जनाएको छ । नयाँ थपिएका संक्रमितहरु १७ देखि ६५ वर्ष उमेर समुहका रहेका छन् ।
