नेपालगञ्ज : अंग्रेजी नयाँ वर्षको पूर्वसन्ध्यामा लोकप्रिय पप गायक संजय श्रेष्ठ नेपालगञ्ज आउने भएका छन् । होटल स्टारलाईट नेपालगञ्जद्वारा अंग्रेजी नयाँबर्ष २०२५ को पूर्वसन्ध्यामा आयोजन गर्न लागेको बिशेष सांगितिक कार्यव्रmममा गायक श्रेष्ठ आउन लागेका हुन् ।
३५ बर्ष उमेर माथिका ग्राहकलाई लच्छित गरि नेपाली पप र रक संगीतको प्रस्तुतिले १९९० दशका निकै नै चर्चित गायकलाई नेपालगञ्जमा ल्याउन लागेको होटल स्टारलाईट नेपालगञ्जका प्रवन्ध निर्देशक रचित श्रेष्ठले शनिवार आयोजित पत्रकार सम्मेलनमा जानकारी गराए ।
३१ डिसेम्वर २०२४ साँझ ७ बजेदेखि मध्यरातसम्म सन्चालन हुने कार्यक्रममा गायक श्रेष्ठका अलावा लोकप्रिय देउडा गायिका इबसु सञ्जेयलको चर्चित डेउडा गीत ‘चलगोबिन्दे पाईलामिला’को प्रस्तुतिका साथै पछिल्लो समय युवाहरु माझ लोकप्रिय पपगायक द स्याड रोज ब्याण्डको लाईभ प्रस्तुति रहने जानकारी दिए ।
