नेपालगञ्ज : बाँकेमा बुधवार ३६ जना कोरोनामुक्त भई डिस्चार्ज भएका छन् । डिस्चार्ज हुनेमा ११ महिला र २५ पुरुष रहेका छन् । योसंगै बाँकेमा कोरोना संक्रमणबाट निको भई डिस्चार्ज हुनेको संख्या १ हजार ७ सय ९ पुगेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले दिए ।
अब आइसोलेसनमा बाँकेका ४ सय ५६ र अन्य जिल्लाका १८ गरी ४ सय ७४ जना रहेका छन् । बाँकेमा हालसम्म २ हजार १ सय ८६ जनामा कोरोना पुष्टि भएको छ भने २१ जनाको मृत्युु भइसकेको छ ।
