कोहलपुर (बाँके) : नेपाली राष्ट्रिय क्रिकेटर ललित भण्डारी खतरामुक्त भएका छन । कञ्चनपुरमा आइतवार राति दुर्घटनामा परेर गम्भिर घाइते भएका भण्डारीको कोहलपुर मेडिकल कलेजमा उपचार भइरहेको छ ।
गएराति झलारी खडक खण्डमा भएको दुर्घटनाका कारण उनको खुट्टा र हात फ्याक्चर भएको छ । दुर्घटनापछि केहि घण्टा अचेत रहेका भण्डारीको निसर्ग अस्पतालमा सामान्य उपचारपछि मध्यराति नै कोहलपुर ल्याइएको हो ।
कोहलपुरमा गरिएको सिटी स्क्यानको रिपोर्ट भर्खरै आएको र टाउकोमा गम्भीर चोट नभएको भण्डारीको पारिवारिक श्रोतले बताएको छ ।
धनगढीबाट महेन्द्रनगर तर्फ जाँदै गरेको से १ ख १३२४ नंम्बरको ट्रक र म २ प ४७०५ नम्बरको एकापसमा ठोक्किँदा मोटरसाइकलमा सवार क्रिकेटर भण्डारी घाइते भएका हुन् ।
