नेपालगञ्ज : बाँकेबाट शनिवार १५ जना कोरोनामुक्त भई डिस्चार्ज भएका छन् । विभिन्न आईसोलेशन सेन्टरमा बस्दै आएका ६ महिला र ९ पुरुषलाई डिस्चार्ज गरिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।
आईसोलेशनमा रहँदा १४औं दिनमा कोरोनाको कुनै लक्षण नदेखिएपछि उनीहरुलाई डिस्चार्ज गरिएको श्रेष्ठले बताए ।
योसँगै बाँकेबाट हालसम्म ९ सय ८५ जना कोरोनामुक्त भएर डिस्चार्ज भइसकेका छन् । हाल बाँकेको विभिन्न आईसोलेशन सेन्टरमा ३ सय ७६ जना संक्रमित उपचाररत रहेको श्रेष्ठले जानकारी दिए । बाँकेमा हालसम्म १ हजार ३ सय ६४ जनामा कोरोना संक्रमण पुष्टि भएको छ भने ८ जनाको मृत्यु भइसकेको छ ।
