नेपालगञ्ज : नेपालगञ्ज उपमहानगरपालिकाका स्वास्थ्य शाखा प्रमुख रामवहादुर चन्दलाई कोरोना संक्रमण भएको छ । लामोसमयदेखि बाँकेमा कोरोना संक्रमण बिरुद्धको अभियानमा अग्रपङ्तीमा रहेका उनी दुईदिन अघिमात्र कोरोना संक्रमणमा परेका हुन ।
स्वास्थ्य शाखा प्रमुखको रुपमा कोरोना रोकथाम र नियन्त्रणको अभियानमा नेतृत्वदायी भूमिकामा खटिएका चन्दलाई बिहिवार कोरोना पोजिटिभ देखिएको हो ।
लकडाउन सुरु हुनुभन्दा अघिदेखि नै चन्द कोरोना विरुद्धको अभियानमा सक्रिय भएर खटेका थिए । पछिल्ला ६ महिनामा दिनरात स्वास्थ्य उपचार र ब्यवस्थापनमा खटिएका चन्दले आफुलाई कोरोना भएको सामाजिक सञ्जाल मार्फत सार्वजनिक गर्दै आफुसंग निकट रहेकालाई कोरोना परीक्षण गराउन आग्रह गरेका छन् । उनी नेपालगञ्जको सिटि प्यालेसमा होटलको आईशोलेशनमा बस्दै आएका छन् ।
