भरतपुर अस्पतालको मेडिकल सुपरिटेन्डेण्टमा डा. पाण्डे नियुक्त

; २५ भाद्र २०७७, बिहीबार १७:०३
 

नेपालगञ्ज : भेरी अस्पताल नेपालगञ्जमा कार्यरत कन्सलटेण्ट फिजिशीयन डा. राजन पाण्डे भरतपुर अस्पतालको मेडिकल सुपरिटेन्डेण्टमा नियुक्त भएका छन् । स्वास्थ्य तथा जनसंख्या मन्त्रालयले भेरी अस्पतालमा कार्यरत डा. पाण्डेलाई भरतपुर अस्पतालको मेसुका रुपमा नियुक्त गरेको हो ।

स्वास्थ्यमन्त्री भानुभक्त ढकालले बुधबार डा पाण्डेलाई मेसुको जिम्मा दिने निर्णय गरेका हुन् । मन्त्रालयको कर्मचारी प्रशासनले मन्त्रीस्तरीय निर्णयअनुसारको पत्र बिहीवार डा. पाण्डेलाई दिएको छ ।

भरतपुर अस्पतालका मेडिकल सुपरिटेन्डेण्ट रहेको डा. श्रीराम तिवारी कोरोना संक्रमितको उपचारमा खटिँदा आफैं संक्रमित भएका थिए ।

नवनियुक्त मेसु डा. पाण्डे ११ औं तहका प्रमुख कन्सलटेण्ट जनरल फिजिशीयन हुन् । डा. पाण्डे पनि नेपालगञ्जमा सेवारत रहँदा कोरोना संक्रमित भएका थिए । डा. पाण्डे र डा. तिवारी दुवैजना कोरोना संक्रमणमुक्त भइसकेका छन् ।

Next Post

वागेश्वरी ल्याबको परीक्षणमा चार संक्रमित थपिए

२५ भाद्र २०७७, बिहीबार १७:०३
नेपालगञ्ज : बाँकेका थप ४ जनामा कोरोना संक्रमण देखिएको छ । नेपालगञ्जस्थित वागेश्वरी डाईग्नोष्टिक सेन्टरको ल्यावमा गरिएको परीक्षणमा जिल्ला प्रहरी कार्यालय बाँकेका दुई प्रहरी, बैजनाथ गाउँपालिकाका २९ वर्षीय एक पुरुष र तुलसीपुर दाङका ३८ वर्षीय पुरुषमा संक्रमण पुष्टि भएको हो ।

सम्बन्धित