नेपालगञ्ज : बाँकेबाट सोमवार तीन जना कोरोनामुक्त भई डिस्चार्ज भएका छन् । स्वास्थ्य कार्यालय बाँकेका फोकल पर्सन नरेश श्रेष्ठका अनुसार नेपालगञ्ज मेडिकल कलेज शिक्षण अस्पताल कोहलपुरमा कार्यरत दुई कर्मचारीसहित तीन जना डिस्चार्ज भएका हुन् ।
श्रेष्ठका अनुसार नेपालगञ्ज ३ की २८ बर्षीया महिला र कोहलपुरका ३८ बर्षीय पुरुष मेडिकल कलेज कोहलपुरका कर्मचारी हुन भने नेपालगञ्ज २ की ३७ बर्षीया महिला कन्ट्याक्ट ट्रेसिङमा परेका थिए ।
योसँगै बाँकेमा ७ सय ३० जना संक्रमित निको भइसकेका छन भने अब विभिन्न आइसोलेशनमा २ सय ६६ जना संक्रमित उपचाररत रहेको स्वास्थ्य कार्यालयले जनाएको छ ।
