नेपालगञ्ज : श्री श्री श्री १००८ हिरामान हरि गिरी ‘हरि शंकर नागाबाबा’ ब्रम्हलीन भएका छन् । करीब तीन महिनादेखि बिरामी परेका ८७ वर्षीय नागा बाबाले मंगलवार दिउँसो १ बजेर १५ मिनेटमा नेपालगञ्जस्थित हनुमत गौशालामा ब्रम्हलीन भएका हुन् ।
गते जेष्ठ १५ गते उनलाई ब्रेन ह्यामरेज भएपछि उपचारकै क्रममा देहावसान भएको हो । शुरुमा ३ दिन नेपालगञ्ज मेडिकल कलेजमा राखिएपछि थप उपचारका लागि भारतको मेदान्त अस्पतालमा लगिएको थियो ।
उपचारकै क्रममा उनको किटडी, मुटु, फोक्सोमा समस्या देखिँदै गएपछि बिस्तारै शरीर शिथिल हुन थालेको थियो । उनी हनुमानगढी मन्दिर सञ्चालन तथा व्यवस्थापन समितिका संरक्षक रहि श्री महन्त पदमा आसीन रहेको समितिका अध्यक्ष सुदिप भट्टराईले जानकारी दिए ।
भट्टराईका अनुसार उनको पार्थिव शरीरलाई बुधवार बिहान ९ बजेसम्म गौशालामा अन्तिम दर्शनका लागि राखिने र त्यसपछि नेपालगञ्जको परिक्रमा गराई उनको बास स्थानमै समाधिस्थ गरिने छ ।
