नेपालगञ्ज : बाँकेमा शुक्रवार थप १६ जनामा कोरोना संक्रमण पुष्टि भएको छ । भेरी अस्पताल नेपालगञ्जमा पछिल्लो २४ घण्टामा गरिएको परीक्षणमा नेपालगञ्ज उपमहानगरपालिकाका विभिन्न वडाका १४ जना, राप्तीसोनारी गाउँपालिकाका २ र बर्दियाका ६ गरी २२ जनामा कोरोना संक्रमण पुष्टि भएको हो ।
बाँकेमा थपिएका संक्रमितमध्ये एक जना नेपाल बैंक लिमिटेड र एक जना सांग्रिला बैंकका कर्मचारी रहेका छन् । गत २४ घण्टामा ३ सय ५० जनाको स्वाब परीक्षण गर्दा २२ जनामा कोरोना पुष्टि भएको भेरी अस्पतालले जनाएको छ ।
