नेपालगञ्ज : मंगलवार बाँकेका दुईवटा प्रयोगशालामा परीक्षण गर्दा बाँकेमा थप १२ जनामा कोरोना भाइरस पुष्टि भएको छ । भेरी अस्पताल नेपालगञ्जमा पछिल्लो २४ घण्टामा गरिएको परीक्षणमा बाँकेका ११, बर्दियाका २ र सुर्खेतका १ जना गरी १४ जनामा कोरोना संक्रमण पुष्टि भएको हो ।
यस्तै बागेश्वरी डायग्नोस्टिक ल्याब नेपालगञ्जमा गरिएको परीक्षणमा १ जनासँगै बाँकेमा १२ गरी कुल १५ जनामा संक्रमण देखिएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।
बाँकेमा थपिएका संक्रमितमध्ये एक जना खजुराका हुन् भने बाँकी सबै जना नेपालगञ्जको विभिन्न वडाका बासिन्दा भएको भेरी अस्पतालले जनाएको छ ।
