सदरलाइनडटकम,
नेपालगञ्ज : विभिन्न आरोपमा बाँकेमा दुई जना पक्राउ परेका छन् । मोटरसाइकल चोरेको आरोपमा सल्यान कुपिण्डेदह नगरपालिका वडा नं. १ का २९ वर्षीय अर्जुन शाही पक्राउ परेका छन् ।
डुडुवा गाउँपालिका वडा नं. ३ का खेम थापाको भे ४ प ६१३९ नेम्बरको मोटरसाइकल चोरी गरेको आरोपमा उनलाई मोटरसाइकलसहित नेपालगञ्जको बसपार्कबाट पक्राउ परिएको बाँके प्रहरीले जनाएको छ ।
यस्तै राजश्व छलेको आरोपमा राप्तीसोनारी गाउँपालिका वडा नं. ७ का ३३ वर्षीय उमेशकुमार दिक्षित पक्राउ परेका छन् । भारतबाट अवैधरुपमा नेपाल भित्र्याउँदै गरेको प्रेशर कुकरमा प्रयोग हुने वासरसहित दिक्षित डुडुवाको कम्दीबाट पक्राउ परेका हुन् ।
पक्राउ परेका दुबै जनामाथि आवश्यक अनुसन्धान भईरहेको जिल्ला प्रहरी कार्यालय बाँकेले जनाएको छ ।
