सदरलाइनडटकम,
दार्चुला : कालापानी क्षेत्रको मिचिएको भनिएको नेपाली भूभाग निरीक्षण गर्न सोमवार पुगेका उपप्रधान एवं रक्षामन्त्री ईश्वर पोखरेलले हेलिकोप्टर बस्न नसकेपछि हवाई निरीक्षण गरेर फर्केका छन् ।
उनले भारतले आफ्नो नक्शामा राखेको कालापानी क्षेत्रको हवाई निरीक्षण गरेका हुन् । कालापानी क्षेत्रमा बाक्लो हिउँ परेका कारण हेलिकोप्टर बस्न नसकेका कारण उनले हवाइ निरीक्षण गरेको बताइएको छ ।
दार्चुला पुगेका उपप्रधानमन्त्री नेपाली सेनाको हेलिकोप्टरमार्फत कालापानी क्षेत्रमा गएका थिए । भारतले कालापानी, लिम्पियाधुरा र लिपुलेक आफ्नो नक्शामा राखेपछि नेपालमा उक्त भूभाग नेपालको रहेको भन्दै भारतविरुद्ध प्रदर्शनसमेत भएको थियो । यसअघि उपप्रधानमन्त्री पोखरेलले नेपालको भूमि एक इञ्च पनि नछाड्ने बताएका थिए ।
रक्षामन्त्रीद्वारा कालापानीको हवाई निरीक्षण
५ फाल्गुन २०७६, सोमबार १३:०७
