सदरलाइनडटकम,
नेपालगञ्ज : नेपालगञ्जको सुर्खेतरोडमा पार्किङ्ग गरिएको कार चोरीको प्रयास गर्ने दुई जनालाई प्रहरीले पक्राउ गरेको छ । नेपालगञ्ज उपमहानगरपालिका वडा नं. १० सुर्खेतरोडस्थित सञ्चारकर्मी प्रज्वलकुमार श्रेष्ठको घर अगाडी पार्किङ्ग गरि राखिएको बा १३ च २६३३ नम्बरको कार चोरीको प्रयास गरेका दुई युवालाई पक्राउ गरेको हो ।
प्रहरीका अनुसार सोमवार एकाबिहानै कार चोरी गर्ने प्रयास गरिएको थियो । दाई राजेश श्रेष्ठ चढ्ने कार चोरीको प्रयास भएको बताउँदै सञ्चारकर्मी श्रेष्ठले कारमा तोडफोड भएको जानकारी दिए ।
जिल्ला प्रहरी कार्यालय बाँकेको टोलीले गस्तीका क्रममा चोरीको प्रयास गर्ने कोहलपुर १२ का बिशाल अधिकारी र अभिषेक केसीलाई पक्राउ गरेको जनाएको छ । दुव्र्यसनमा लागेको जस्तो देखिने युवाहरु बन्द कारको दाहिनेतर्फको सिसा फुटाएर चोरी गर्न लागेको थिए । उनीहरुलाई जिल्ला प्रहरी कार्यालयमा राखिएको छ ।
कार चोरीको प्रयासमा दुई युवा पक्राउ
२० माघ २०७६, सोमबार १८:५२
