‘मिस मिडवेष्ट’ को सातौ संस्करण बाँकेको नेपालगञ्जमा सन्चालन भईरहेको छ । ब्लु ओरिजन प्रालिको व्यानरमा आयोजित यसै संस्करणका प्रतियोगी हुन बर्दिया बाँसगढीका सरस्वती चौधरी । १८ बर्षिय चौधरी अहिले व्यवस्थापन संकायमा कक्षा १२ मा अध्यनरन उनी प्रतियोगी नं. ६ बाट परिचित छन । चौधरीका बारेमा जानकारी गराउने उद्देश्यले उनीसंग गरिएको अंन्तरङ्ग कुराकानीको सम्पादित अंश ।
मोडलिङ क्षेत्रमा किन आउनुभयो ?
मेरो सानैदेखिको सपना नृत्याङगना बन्नु नै थियो । त्यसैले म यस क्षेत्रमा छु ।
मोडलिङ बाहेक रुचि केके छन् ?
गीत गाउन, नाँच्न र घुम्न मन पर्छ । म घुमेका केहि ठाँउ मध्ये मलाई भारतको श्रावस्ती भन्ने ठाँउ मनपर्छ । जहा गौतम बुद्व केहि समय बस्नुभएको थियो रे ।
प्रेमको कुनै अनुभव छ ?
मैले मेरी आमा बाहेक अरु कसैको प्रेम अनुभव गरेकी छैन ।
जीबन साथी कस्तो चाहानुहुन्छ ?
हेरुम भाग्यमा कस्तो लेखिएको छ । भाग्यमा लेखे अनुसार हुन्छ भन्छन् । तर मेरा कमी कमजारी सहित म जस्तो छु तेस्तै स्वीकार गर्ने होस मेरो जीवन साथि भन्ने म चाहान्छु ।
प्रेम प्रस्ताव राख्ने कति छन् ?
धेरै त होईन २/३ जनाले प्रेम प्रस्ताब राखे तर, मैले सबैलाई सकरात्मक तरिकाले नाई भनेँ ।
सपना के छ ?
मलाई हुर्काउन आमाले धेरै दुख गर्नुभएको छ । बाबाले हाम्रो साथ छोडेपछि उहाँ एक्लैले मलाई पढाउनु भयो हुर्काउनु भयो । त्यसैले आमाको खुसी फर्काउन सक्नु नै मेरो जीवनको ठुलो सपना हो ।
प्रस्तुती : लक्ष्मी तिमिल्सेना
फोटो : पवन श्रोतिया / ब्लु ओरिजन
