सदरलाइनडटकम,
नेपालगञ्ज : सामुदायिक सञ्चारकर्मीहरुका लागि ३ दिने सार्वजनिक चासो विषयक तालिम मंगलवारदेखि नेपालगञ्जमा शुरु भएको छ । पारस्परिक जवाफदेहिता परियोजनाअन्तर्गत अमेरिकी सहयोग नियोग (यूएसएआईडि) र एफ एच आई ३६० सहयोगमा इक्वेल एक्सेस इन्टरनेशनलको आयोजनामा तालिम शुरु भएको हो ।
तालिममा भूकम्प प्रभावित १४ जिल्ला र मध्य तथा सुदूरपश्चिमका २० जिल्ला गरी ३४ जना सामुदायिक सञ्चारकर्मीहरुको सहभागिता छ । तालिममा सार्वजनिक चासोका विषय, सार्वजनिक सेवा प्रवाह, सार्वजनिक निकायको जवाफदेहिता र यसमा आमसञ्चार माध्यम तथा सामुदायिक सञ्चारकर्मीहरुको भूमिकालगायतका विषयमा छलफल हुनेछ ।
इक्वेल एक्सेसका मिडिया म्यानेजर रजनी हुमागाईँ, सिनियर मिडिया अफिसर कमला पोख्रेल, सिनियर आउटरिच अफिसर आशिष वर्मा, प्रोग्राम अफिसर लक्ष्मी श्रेष्ठ, भिम बहादुर सार्की र सुनिता चौधरीले तालिममा सहजीकरण गरिरहेका छन् ।
सार्वजनिक चासो विषयक पत्रकारिता तालिम शुरु
७ माघ २०७६, मंगलवार १८:३०
