सदरलाइनडटकम,
नेपालगञ्ज डेस्क : औद्योगिक ग्राम निर्माणका लागि खजुरा गाउँपालिकाले उद्योग वाणिज्य तथा आपूर्ती मन्त्रालयबाट ‘टोकन मनी’का रुपमा ९२ लाख प्राप्त गरेको छ । उद्योग मन्त्री लेखराज भट्ट, राज्य मन्त्री मोतीलाल दुगडलगायत मन्त्रालयका बरिष्ठ अधिकारीको उपस्थितीमा काठमाण्डौमा सम्पन्न भएको कार्यक्रममा गाउँपालिकालाई उक्त रकम बराबरको चेक हस्तान्तरण गरिएको छ ।
स्थानीय सिप, कच्चा पदार्थको प्रयोग गरी सञ्चालन हुने उद्योगलाई प्रोत्साहन गर्नका लागि मन्त्रीपरिषद बैठकले गत आर्थिक वर्षमा ३२ वटा औद्योगिक ग्राम स्थापना गर्ने घोषणा गरिसकेको थियोे । पहिलो चरणमा छनौट भएका ३२ वटा स्थानीय तह मध्ये बाँकेका गाउँपालिकामा खजुरा मात्र परेको छ । औद्योगिक ग्राम कार्यक्रमको समझदारीका लागि खजुरा गाउँपालिका अध्यक्ष किस्मतकुमार कक्षपति, प्रमुख प्रशासकीय अधिकृत बमबहादुर केसी काठमाण्डौ गएका छन् ।
उक्त सम्झौतापछि खजुरा ५ पुरनौमा औद्योगिक ग्राम प्रक्रिया अगाडी बढ्ने कक्षपतिले बताए । मन्त्रालयले आयोजना गरेको कार्यक्रममा बोल्दै कक्षपतिले औद्योगिक ग्रामको काम ‘फाष्टट्रयाक’मा गर्नुपर्ने सुझाव दिएका छन् । छिटो भन्दा छिटो काम सकेर सरकारी अभियानलाई सघाउनुपर्ने उनको धारणा छ ।
मन्त्रालयबाट खजुराले पायो ९२ लाख
२९ पुष २०७६, मंगलवार १७:५२
