सदरलाइनडटकम,
नेपालगञ्ज : बाँके प्रहरीले नेपालगञ्जको सेतु बिक चोकबाट ९ ग्राम ब्राउन सुगर सहित एक जनालाई नियन्त्रणमा लिन सफल भएको छ ।
लागु औषध नियन्त्रण व्यूरो शाखा कार्यालय नेपालगञ्ज र जिल्ला प्रहरी कार्यालय बाँकेको संयुक्त टोलीले सेतुबिक चोकबाट शुक्रबार दिउसो १ बजेतिर सुर्खेत बीरेन्द्रनगर–६ घर भएका ३२ बर्षिय सुमित बोहरालाई ९ ग्राम ब्राउन सुगर सहित नियन्त्रणमा लिएको हो ।
प्रहरीले बोहराका साथबाट भे ४ प १४८१ नम्बरको स्कुटीसमेत नियन्यत्रमा लिएको जनाएको छ । पछिल्लो समय दैनिक जसो भारतीय बजार रुपैडिहबाट प्रतिबन्धित लागू औषध लिएर आउने समुह प्रहरीको नियन्त्रणमा पर्दै आएको छ ।
प्रहरीले बोहरालाई बरामदी मुचुल्का गरी थप अनुसंन्धानको लागि जिल्ला प्रहरी कार्यालय नेपालगञ्ज पठाएको छ ।
नौ ग्राम ब्राउन सुगरसहित बोहरा सेतुबिक चोकबाट पक्राउ
६ मंसिर २०७६, शुक्रबार १४:१५
