सदरलाइनडटकम,
नेपालगञ्ज : नेपालगञ्ज उपमहानगरपालिकाका कार्यवाहक मेयरको जिम्मेवारीमा रहेकी उपमेयर उमा थापा मगरसँग शुक्रवार युनिसेफको उच्चस्तरीय टोलीले भेटघाट गरेको छ । युनिसेफको राष्ट्रिय समिति स्वीटजरल्याण्डका प्रमुख हाङ्स कुञ्जल नेतृत्वको टोलीले उपमहानगरपालिकाको कार्यालयमा उपमेयर मगरसँग भेटघाट गरि विभिन्न विषयमा छलफल गरेको हो ।
उपमेयर थापाले युनिसेफको सहकार्यमा नेपालगञ्जमा बालश्रम विरुद्धको कार्यक्रम संचालन भईरहेको भन्दै आगामी दिनमा समेत थप सहकार्य गरेर अढि बढ्न सकेमा सफलता प्राप्त हुने बताइन् । नेपालगञ्ज उपमहानगरपालिकाले बालश्रमबाट उद्धार गरि विद्यालयमा भर्ना गराउन सहयोग गरेका तीनजना बालबालिकासँग भेट गरेको युनिसेफको टोलीले वालश्रमविरुद्ध उपमहानगरपालिकाको प्रयास सह्रानीय भएको जनाएको छ ।
सो अवसरमा प्रमुख प्रशासकीय अधिकृत हरी प्याकुरेल, प्रमुख महिला विकास अधिकृत तथा महिला तथा बालवालिका शाखा प्रमुख शोभा शाह, सामाजिक विकास प्रमुख कृष्ण जोशीले यु्निसेफको सहकार्यप्रति अभार प्रकट गर्दै निरन्तर सहकार्यमा जोड दिएका थिए ।
उपमेयर थापा र युनिसेफ टोलीबीच भेटघाट
२० भाद्र २०७६, शुक्रबार १७:५५
