सदरलाइनडटकम,
नेपालगञ्ज : राम नवमी पर्वको अवसरमा बागेश्वरी मन्दिरमा पूजा गर्न आएका भक्तजनको गहना चोरी गरेको आरोपमा बाँकेमा पाँच जना पक्राउ परेका छन् । मन्दिरमा आएका भक्तजनहरुका गहना चोरीको घट्ना बढेपछि प्रहरीले पाँच जना चोरलाई पक्राउ गरेको हो ।
जिल्ला प्रहरी कार्यालय बाँकेका मुद्दाफाँटका प्रमुख प्रहरी निरीक्षक दीपक मल्लले गहना चोरी गर्ने कार्यमा संलग्न भारत विहारका रमेश रावत, सुजित प्रसाद, विनोद रावत, प्रमेश राई र निपेन्द्रकुमारलाई पक्राउ गरिएको जानकारी दिए ।
बिहीवार र शुक्रवार मन्दिरमा पुजा गर्न पुगेकी नेपालगञ्ज निवासी सरस्वती रसाइली र तारादेवी मल्लले लगाएको सिक्री चोरी भएको थियो । सरस्वतीको डेढ तोला तथा मल्लको तीन तोलाको सिक्री चोरी भएको जिल्ला प्रहरी कार्यालय बाँकेले जनाएको छ । उनीहरुको साथबाट दुई थान सिक्रीसमेत फेला परेको छ ।
श्रद्धालुको गहना चोर्ने बाँकेमा पाँचजना पक्राउ
३० चैत्र २०७५, शनिबार १६:५०
