सदरलाइनडटकम,
नेपालगञ्ज : नेपालगञ्ज उद्योग वाणिज्य संघको मुख्य आयोजनामा यही फागुन १६ देखि २६ गतेसम्म सडक डिभिजन परिसर कारकाँदोमा हुन लागेको प्रादेशिक महोत्सवमा चर्चित कलाकारहरुको सहभागिता रहने भएको छ ।
महोत्सव साँस्कृतिक उपसमितिका संयोजक तपेन्द्र शाहका अनुसार लोकदोहोरी तर्फ गायक रामजी खाँड, बद्री पंगेनी, प्रकाश सपुत आउने भएका छन् । त्यस्तै आधुनिक तर्फ राजेशपायल राई, रुपटक डोटेल, राजनराज सिवाकोटी र यम बराल छन् भने हाँस्य बिधा तर्फ चर्चित कलाकार मनोज गजुरेल आउने भएका छन् ।
अन्य कलाकारहरुको पनि सहभागिता हुने शाहले जानकारी दिए । उनका अनुसार महोत्सवमा बिगतका वर्षझैं यसपटक पनि बृहद नृत्य प्रतियोगिता देखि कल्चरल फेशन शो पनि हुने छ । महोत्सव आउन केही दिन मात्र बाँकी रहेकाले तयारी तीब्र पारिएको प्रचारप्रसार समितिका संयोजक टंक धामीले जानकारी दिए ।
प्रादेशिक महोत्सवको तयारी तीब्र
८ फाल्गुन २०७५, बुधबार १९:००
