सदरलाइनडटकम,
नेपालगञ्ज : सवारी दुर्घटनामा गम्भीर घाइते भएका प्रदेश ५ प्रदेशसभा सदस्य उत्तर कुमार ओलीलाई भेन्टिलेटरमा राखेर उपचार भईरहेको छ । तुल्सिपुरबाट बिरगञ्जका लागि छुुटेकोे ना ५ ख ५५२९ नम्बरको बस र बुटवलबाट घोराही जाँदै गरेको बा १८ च ६८३६ नम्बरको कार बिहीवार बेलुकी लमही घोराही सडक खण्डमा ठोक्किएर दुर्घटना हुँदा एक महिलाको ज्यान गएको थियो भने सांसद ओलीसहित १३ जना घाइते भएका हुन् ।
ओलीको शिक्षण अस्पताल कोहलपुरमा रातिदेखि भेन्टिलेटरमा राखेर उपचार भईरहेको छ । डाक्टर सन्जिवकुमार झा सहितको चिकित्सक टोलीले सांसद ओलीको उपचार गरिरहेको छ ।
राती भन्दा अहिले उपचारमा सुधार भएकोले थप उपचारका लागि भारतको लखनउ वा काठमाण्डौ लैजाने तयारी भईरहेको अस्पतालका कुस्माखर बस्यालले जानकारी दिए ।
प्रदेशसभा सदस्य ओलीको स्वास्थ्यमा सुधार
२५ माघ २०७५, शुक्रबार १०:४४
