सदरलाइनडटकम,
दाङ : तुलसीपुरमा ट्रयाक्टरले ठक्कर दिँदा एक बालकको मृत्यु भएको छ । छत्रेश्वरी गाउँपालिका १ सल्यान स्थायी घर भई हाल तुलसीपुर ५ रानीजरुवामा बस्दै आएका १२ वर्षीय नवीन वलीको मृत्यु भएको इलाका प्रहरी कार्यालय तुलसीपुरका प्रहरी नयाब उपरीक्षक प्रेम बहादुर शाहीले बताए ।
शुक्रवार राति साढे ८ बजे तुलसीपुर ८ टिकरी भन्ने स्थानमा लु २ त ४१८७ नम्बरको ट्रयाक्टरले ठक्कर दिँदा वलीको घटनास्थलमै मृत्यु भएको प्रहरीले बताएको छ । बालकलाई ठक्कर दिने ट्रयाक्टर चालक फरार रहेको र ट्रयाक्टर भने राति तुलसीपुर ३ दमारगाउँ जंगलमा फेला परेको प्रहरी नायब उपरीक्षक शाहीले बताए ।
ट्रयाक्टरको ठक्करबाट बालकको मृत्यु
२२ मंसिर २०७५, शनिबार १५:००
