सदरलाइनडटकम,
काठमाण्डौ : एशिया कप क्रिकेटको ‘सुपर फोर’अन्तर्गतको खेलमा भारत र पाकिस्तान विजयी भएका छन् । भारतले बंगलादेशलाई र पाकिस्तानले अफगानिस्तानलाई पराजित गरेको हो ।
भारतले बंगलादेशलाई ७ विकेटले हराएको छ । टस हारेर ब्याटिङको निम्तो पाएको बंगलादेशले ४९ दशमलव १ ओभरमा सबै विकेट गुमाएर १ सय ७३ रन बनाएको थियो । १ सय ७४ रनको विजयी लक्ष्य भारतले तीन विकेट गुमाउँदै ३६ दशमलव २ ओभरमा पुरा गरेको थियो ।
एशिया कपमा भारतले आइतवार पाकिस्तानसँग खेल्नेछ ।
यस्तै दोस्रो खेलमा पाकिस्तानले अफगानिस्तानलाई ३ विकेटले हराएको छ । अफगानिस्तानले दिएको २ सय ५८ रनको लक्ष्य पाकिस्तानले ३ बल बाँकी छँदा ७ विकेट गुमाउँदै पुरा गरेको थियो । यसअघि निर्धारित ५० ओभरमा ६ विकेट गुमाउँदै अफगानिस्तानले २ सय ५७ रन बनाएको थियो । अफगानिस्तानले पनि आइतवार बंगलादेशसँग खेल्नेछ ।
एशिया कप क्रिकेटमा भारत र पाकिस्तान बिजयी
६ आश्विन २०७५, शनिबार १६:०२
