सदरलाइनडटकम,
बाजुरा : लगातार बर्षातका कारण पहिरो जादाँ बाजुरामा एकजनाको मृत्यु भएको छ भने एकजना घाइते भएका छन् । बुढीगंगा नगरपालिका १ कुडीमा शुक्रबार राति खसेको पहिरोले घर भत्किँदा ४५ वर्षीया कला परीको मृत्यु भएको छ ।
घटनामा उनका पति नन्दे परी गम्भीर घाइते भएको जिल्ला प्रहरी कार्यालय बाजुराका प्रहरी नायब उपरीक्षक सागर बोहराले जानकारी दिए । पहिरोबाट भएको क्षतिको विवरण संकलन भईरहेको बाजुराका प्रमुख जिल्ला अधिकारी चेतराज बरालले बताए । बाजुरामा जारी लगातार वर्षातका कारण पहाडी क्षेत्रका विभिन्न स्थान पहिरोको उच्च जोखिममा रहेका छन् ।
तस्बिर : थाहाखबर
