सदरलाइनडटकम,
काठमाडौं : गृहमन्त्री रामबहादुर थापा बादलले गत तीन वर्षयता नेपालमा चार हजार किलो सुन तस्करी भएको बताएका छन् । संघीय संसद् दिगो विकास तथा सुशासन समितिको बैठकमा मंगलवार बोल्दै उनले यस्तो बताएका हुन् ।
गृहमन्त्री थापाले सुन तस्करीमा संलग्नहरुमाथि कारबाहीसमेत गरिएको बताए । उनले ३३ किलो सुन तस्करीको छानबिनका लागि गठित समितिले मुख्य आरोपीलाई छानबिनको दायरामा ल्याएको दाबी गरे ।
सुन तस्करीको संजाल ध्वस्त पार्न सरकार सफल भएको दाबी गर्दै गृहमन्त्री थापाले सरकारले संघीयता अनुसार प्रहरी संरचना निर्माणको काम अघि बढाइएको जानकारी दिए । विगतमा प्रहरीको सरुवा, बढुवामा राजनीति हुने गरेको उल्लेख गर्दै उनले अब त्यसो हुन नदिने प्रतिबद्धतासमेत जनाएका छन् ।
तीन वर्षमा ४ हजार किलो सुन तस्करी भएको गृहमन्त्रीको स्पष्टोक्ति
२९ श्रावण २०७५, मंगलवार १६:५०
