राँझा चोक अब ‘क्याप्टेन चोक’ हुने

३० जेष्ठ २०७५, बुधबार २०:२६
 

सदरलाइनडटकम 
३०, जेठ नेपालगन्ज : यात्रीको ज्यान जोगाएर विमान दुर्घटनामा ज्यान गुमाउने पाइलट दिनेश न्यौपाने र को–पाइलट सन्तोष लामाको नाममा नेपालगन्जमा चोक र शालिक निर्माण शुरु भएको छ ।
काष्ठमण्डप एयरका पाइलटद्वयले १४ फागुन २०७२ मा कालिकोटको चिलखायामा आपूm मरेर यात्रीको ज्यान जोगाएका थिए ।
नेपालगन्ज उपमहानगरपालिकाको सहयोगमा क्याप्टेन दिनेश प्रतिष्ठानले राँझा चोकमा शालिक निर्माण शुरु गरेको हो । उपमहानगर प्रमुख डा.धवल शम्शेर राणा, उप–प्रमुख उमा थापा मगर र बाँकेका प्रमुख जिल्ला अधिकारी रमेशकुमार केसीले बुधबार संयुक्त रुपमा शालिकको शिलन्यास गरेका थिए । राँझा चोकको नामाकरण पनि ‘क्याप्टेन चोक’ गरिएको छ ।
राँझा चोकको पश्चिमी दिशामा नेपालगन्ज उपमहानगरपालिकाको उपलब्ध गराएको १० धुर जग्गामा बाटिका, प्रतिक्षालयसहित क्याप्टनद्वयको शालिक निर्माण हुनेछ । क्याप्टेन दिनेश नेपालगन्ज–१२ मुक्तिपुर निवासी हुन् ।

Next Post

आयुशको हत्या गरेको परिवारको दावी

३० जेष्ठ २०७५, बुधबार २०:२६
सदरलाइनडटकम  ३० जेठ, नेपालगन्ज : बाँकेको राप्ती सोनारी–८ का ११ वर्षिय आयुश केसी मृत्युको विषय अझ पेचिलो बन्दै गएको छ । मृतककी आमा मीना केसीले आफ्नो छोराको दुर्घटनापछि हत्या गरिएको आरोप लगाएकी छन् । गत जेठ २७ गते साँझ ५ वजे राप्ती सोनारी – ८ घण्टेश्वरी सामुदायिक बनको खल्लागाउँमा स्थानीय […]

सम्बन्धित