सदरलाइनडटकम 
१६ चैत , बाँके : बाँकेको डुडुवा गाउँपालिका—३ वनकट्ीका २८ वर्षिय सञ्जयकुमार बर्माले आफ्नै श्रीमती शान्तीदेवीलाई बिहिवार राती गोली हानी हत्या गरेका छन् । हत्या आरोपी बर्मालाई प्रहरीले पक्राउ गरेको छ । बर्माले राती सुतिरहेको समयमा १२ बोर बन्दुकले हानेर श्रीमतीको हत्या भएको जिल्ला प्रहरी कार्यालय प्रहरी निरिक्षक रणबहादु बिष्टले बताए ।
राती ११ बजे सुतिरहेको समयमा शान्ती माथि गोली प्रहार भएको थियो । गोली प्रहारपछि भाग्न खोजेको सञ्जयलाई परिवारकै मान्छेले समातेर प्रहरीलाई बुझाएको बिष्टले बताए । मृतको कोखामा दुईवटा गोली लागेको छ । उनको घटनास्थलमै मृत्यु भएको थियो । प्रहरीले पक्राउ पछि सञ्जय माथि अनुसन्धान गरिरहेको छ । उनले आफु मानसिक रोगी भएको दाबी गरे पनि अनुसन्धान भइरहेको प्रहरीले जनाएको छ । बर्माका १२ वर्षिय छोरी छन् ।
आफ्नै श्रीमानले गरे श्रीमतीको हत्या
१६ चैत्र २०७४, शुक्रबार ११:०३
