सदरलाइनडटकम 
२१ फागुन, नेपालगन्ज : नेपालगन्ज–कोहलपुर सडकखण्डको गनापुर नजिकै भएको सडक दुर्घटनामा परेर एक जनाको ज्यान गएको छ ।
जिल्ला प्रहरी कार्यालय बाँकेले दिएको जानकारी अनुसार नेपालगन्जदेखि कोहलपुर जाँदै गरेको भे ५ प ९३४७ नं. को मोटरसाईकललाई बिपरित दिशाबाट आएको लु १ ख ७३६९ नं. को बसले ठक्करदिदा कैलाली सुखड घर भएका अन्दाजी ३३ वर्षिय बिरेन्द्र खड्काको ज्यान गएको हो ।
नेपालगन्ज–२० मनिकापुर नजिकै अन्दाजि पौने १० बजे भएको सो घटनामा परेर गम्भीर घाइते भएका मोटरसाईकल चालक खड्कालाई उपचारको लागि नेपालगन्ज मेडिकल कलेज शिक्षण अस्पताल नेपालगन्जमा ल्याउदै गर्दा बाटोमा नै उनको ज्यान गएको प्रहरीले जनाएको छ ।
प्रहरीले बस, बसचालक र मोटरसाईकललाई नियन्त्रणमा लिएर अनुसंधान गरि रहेको जनाएको छ । मृतक खड्काको शव नेपालगन्ज मेडिकल कलेज शिक्षण अस्पताल नेपालगन्जमा राखिएको प्रहरीले जानकारी दिएको छ ।
सडक दुर्घटनामा सुखडका खड्काकोे मृत्यु
२१ फाल्गुन २०७४, सोमबार २२:४१
