प्रहरीले ४९ छाडा पशु काञ्जि हाउस पुरायो

१९ बैशाख २०७४, मंगलवार १९:०७
 

सदरलाइनडटकम
१९ बैशाख, नेपालगन्ज
: सडकमा छाडापशुको कारण आवगमनमा अबरोधसंगै सवारी दुर्घटना बढ्न थालेपछि बाँके प्रहरीले सडकमा छाडिएका छाडा पशुहरुलाई नियन्त्रणमा लिएर कान्जी हाउस पुर्याएको छ ।
प्रहरीले गएराती साढे आठ बजेपछि नगरका विभिन्न स्थानबाट छाडा गाई, गोरु, गधा, खच्चड, घोडा लगायतका ४९ वटा पशु नियन्त्रणमा लिएर कान्जी हाउस पुर्याएको थियो । सडकमा रहेका छाडा पशुका कारण दुर्घटनाको जोखिम बढेपछि ट्राफिक प्रहरीसँगको समन्वयमा जिल्ला प्रहरी कार्यालय बाँकेले पशु नियन्त्रणमा लिएर कान्जी हाउस पुर्याएको हो ।
नेपालगन्जको पुष्पलाल चोक, धम्बोजी चोक, बिपीचोक, त्रिभुवन चोक, फुल्टेक्रा सडक खण्डबाट धपाई फुल्टेक्रा कान्जी हाउस नेपालगन्जको खोरमा बुझाइएको जिप्रका बाँकेका प्रहरी निरीक्षक लक्ष्मण शाहीले जानकारी दिए । छाडा पशुका कारण दुर्घटनाको जोखिम बढेको बारे यसअघि समाचार समेत प्रकाशन प्रशारण हुँदै आएको थियो ।

Leave a Reply

Your email address will not be published. Required fields are marked *

Next Post

पढाईसिप सुधारका लागि बाँकेका अभिभावकलाई साथी दौंतरी शिक्षा तालिम

१९ बैशाख २०७४, मंगलवार १९:०७
सदरलाइनडटकम   १९ बैशाख, नेपालगन्ज : कक्षा १ देखि ३ सम्मका बालबालिकाको पढाईसिप सुधारका लागि अभिभावकलाई लक्षित गरी साथी दौतरी शिक्षा तालिमको बाँकेमा सुरुवात गरिएको छ । बाँकेका सहायक जिल्ला शिक्षा अधिकारी गोर्खबहादुर थापाले बालबालिकाको पढाईशिप सुधारका लागि अभिभावकलाई सचेत र सक्रिय पार्दा त्यसले बालबालिकाको समेत सहभागितामा समेत ठूलो सहयोग हुने […]

सम्बन्धित