सदरलाइनडटकम,
डोल्पा : माटोको ढिस्कोले पुरिएर डोल्पामा एक महिलाको मृत्यु भएको छ । डोल्पा ठूलीभेरी नगरपालिका ५ हुँ गाँउकी २३ वर्षीया जुना बुढा बोहोराको माटोको ढिस्कोमा पुरिएर मृत्यु भएको हो ।
घर पोत्ने माटो खन्न गएको बेलामा माटोको ढिस्कोले पुरिँदा बिहीवार दिउँसो जुनाको मृत्यु भएको प्रहरीले जानकारी दिएको छ । माटोको ढिस्कोमा पुरिएको खबर माझफाल प्रहरी चौकीलाइ जानकारी दिएलगत्तै प्रहरीको टोली र स्थानीयको सहयोगमा जुनाको उद्धार गरेपनि बचाउन नसकिएको उनका श्रीमान् शम्शेर बुढाले जानकारी दिए ।
उद्धार समयमा गर्न नसक्दा श्रीमती गुमाउनु परेको बुढाले दुःख व्यक्त गरे । कानुनी प्रक्रिया पूरा गरि शव श्रीमान् शम्शेर बुढालाई जिम्मा लगाएको जिल्ला प्रहरी कार्यालय डोल्पाका प्रहरी नायब उपरीक्षक नारायण रञ्जितकारले बताए ।
माटोको ढिस्कोले पुरिँदा महिलाको मृत्यु
१७ पुष २०७६, बिहीबार १५:५७
