सदरलाइनडटकम 
१३ पुस, नेपालगन्ज : जिल्लामा विनियोजित विकास वजेट तोकिएको आर्थिक वर्ष भित्र कार्यान्वयन गर्न मदन भण्डारी फाउण्डेशन बांँकेले दवाव दिएको छ । बांँकेका प्रमुख जिल्ला अधिकारी रविलाल पन्थलाई ज्ञापनपत्र वुझाउंदै फाउण्डेशनले बजेट फ्रिज हुन नदिन ध्यानाकर्षण गराएको हो ।
ज्ञापनपत्र वुझाउदै मदन भण्डारी फाउण्डेशन बांँकेका अध्यक्ष सुर्य ढकालले गाउं, नगर, जिल्ला परिषद र केन्द्रवाट पारित भई विनियोजित रकम पारदर्शी रुपमा कार्यान्वयनमा लैजान माग गरे ।
विगतमा समयमै काम नहुने,गुणस्तर कम हुने र अन्तिम समयमा हतार हतार काम हुने गरेको भन्दै त्यसो हुनवाट रोक्न प्रजिअलाई ढकालले आग्रह गरेका हुन । उनंले कुनै पनि वाहानामा जिल्लामा विनियोजित रकम फ्रिज हुने वतावरण अन्त्य गर्न फाउण्डेशनले स्थानीय र केन्द्रीय स्तरमा निरन्तर दवाव दिने वताए । जिल्लालाई समृद्ध बनाउने योजनामा प्रजिअको महत्वपूर्ण भुकिका हुने भन्दै फाउण्डेशनले अनुगमन र निर्देशन बढाउन आग्रह समेत गरेको छ ।
यसैविच ज्ञापनपत्र वुझ्दै बांँकेका प्रमुख जिल्ला अधिकारी रविलाल पन्थले जिल्लाको विकास निर्माणमा मदन भण्डारी फाउण्डेशनले चासो दिएको भन्दै प्रशंसा गरे । उनले प्रत्येक महिना जिल्लाका कार्यालय प्रमुखहरुसंगको छलफलमा पनि यी कुरा उठ्ने गरेकोले यसवर्ष विकास वजेट समयमै कार्यान्वयन हुने प्रतिबद्धता जनाउदै सवैको सहयोग र अनुगमनमा मात्र काम समयमै पारदर्शी रुपले सम्पन्न हुने बताए ।
