बैजनाथ (बाँके) : बैजनाथ गाउँपालिकाले किसानमुखी कार्यक्रम धमाधम सञ्चालन गरिरहेको छ । गाउँपालिकाले किसानको आर्थिक अवस्था माथि उठाउन अघिल्लो आर्थिक वर्ष २०७९/८० देखि नै किसानसँग पालिका प्रमुख कार्यक्रम शुरु गरेको थियो ।
चालु आर्थिक वर्षमा पनि उक्त कार्यक्रमलाई निरन्तरता दिदै गाउँपालिकाले किसानलाई विभिन्न अनुदान तथा सहयोग दिइरहेको छ । सोही कार्यक्रम अन्तरगत गाउँपालिकाले आर्थिक वर्ष २०८०/८१ मा च्याउ खेती गर्ने किसानलाई बीउमा अनुदान दिएको छ । गाउँपालिका अध्यक्ष प्रकाशबहादुर शाहीका अनुसार किसानलाई ७० प्रतिशत अनुदानमा च्याउको बीउ वितरण गरिएको हो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
अध्यक्ष शाहीले लक्षित किसानलाई बीउ वितरण गरेका छन् । गाउँपालिकाको वडा नम्बर १ देखि ८ सम्मका किसानलाई च्याउ खेतीमा आर्कषित गर्न अनुदानमा बीउ वितरण गरिएको हो ।