सदरलाइनडटकम 
१६ कात्तिक, नेपालगन्ज : नेपालगन्जमा पटाका पट्काउने क्रममा नेपालगन्जमा ४ जना बालक घाइते भएका छन् । जिल्ला प्रहरी कार्यालय बाँकेका प्रमुख तथा प्रहरी उपरिक्षक टेकप्रसाद राईले दिएको जानकारी अनुसार नेपालगन्ज–१६ बेलासपुरमा साँझ करिव साढे छ बजे पटाका पड्काउने क्रममा उनीहरु घाइते भएका हुन ।
घाइते हुनेहरुमा १४ बर्षिय अदिन खान, ११ वर्षिय विश्वास यादव, १२ वर्षिय अमन पठान र १२ वर्षिय साइद खान रहेका छन् । उनीहरुको अनुहार हात खुट्टामा चोट लागेको छ । उनीहरुको भेरी अञ्चल अस्पतालमा उपचार हुँदै छ ।
बाँके प्रहरीले पटाकाका कारण हुनसक्ने संभावित दुर्घटनालाई निस्तेज पार्नको लागि पटाका नियन्त्रण अभियान पनि तीब्र पारेको छ । प्रहरीले विभिन्न स्थानबाट अबैध रुपमा विक्रि बितरणको लागि राखिएका पटाका नियन्त्रणमा लिएर नष्ट समेत गरेको छ ।
पटाका पट्काउदा ४ बालक घाइते
१६ कार्तिक २०७३, मंगलवार ०३:५१
