सदरलाइनडटकम , 
१६ कात्तिक, नेपालगन्ज : पूर्वपश्चिम राजमार्गको कोहलपुर–बाँसगढी सडकखण्डको मदनचोक नजिकै मंगलबार विहान भएको सडक दुर्घटनामा एकको मृत्यु हुनुको साथै एक गम्भीर घाइते भएका छन ।
इलाका प्रहरी कार्यालय कोहलपुरका प्रहरी नायब उपरिक्षक सुरेशप्रसाद काफ्लेले दिएको जानकारी अनुसार विहान ६ः३० बजे बाँसगढीबाट कोहलपुरतर्फ आउँदै गरेको भे १ ज ६९६ नम्बरको जिपले सोहि दिशाबाट आई रहेको साइकललाई ठक्कर दिंदा कोहलपुर नगरपालिका–१० कि १८ बर्षिया रचना शाहिको मृत्यु भएको र बनकटवा ७ का संदेश कुँवर गम्भीर घाइते भएका छन ।
घाइते कुँवरलाई उपचारका लागि भारतको लखनउ रिफर गरिएको छ । गाडि चालक घटना पछि फरार रहेको प्रहरीले जनाएको छ । तीब्र गति र सह चालकले चलाएको कारण नियन्त्रणमा लिन नसकेकोले सो दुर्घटना भएको ईलाका प्रहरी कार्यालय कोहलपुरका ईन्चार्ज डिएस्पी काफ्लेले सदरलाइनलाई जानकारी दिए ।
