वडा न ११ खुला दिसामुक्त

२८ चैत्र २०७४, बुधबार १७:३९
 

सदरलाइनडटकम
२८ चैत, नेपालगन्ज :  नेपालगञ्ज वडा नं ११ लाई खुल्ला दिसामुक्त वडा घोषणा गरिएको छ । नेपालगञ्जलाई खुल्ला दिसामुक्त बनाउने अभियान अन्तर्गत आज वडा नं ११ लाई खुल्ला दिसामुक्त घोषणा गरिएको हो । ८ सय ३१ घरधुरी रहेको वडा नं ११ का सबै जसो घरमा शौचालय बनेपछि खुल्ला दिसामुक्त वडा घोषणा गरिएको हो । खुला दिसामुक्त वडा घोषणा समारोहमा वडा अध्यक्ष उज्वलसिंह राठौरले आजदेखि वडा न ११ खुल्ला दिसामुक्त क्षेत्र भएको घोषणा घोषणा गर्दै अभियानमा सघाउने सबैलाई धन्यवाद दिए । साथै उहाँले वडाबासीका तर्फबाट फोहर व्यवस्थापन लगायतका १३ बुँदे प्रतिबद्धता पनि व्यक्त गर्नु भयो । उपमहानगरपालिकाका नगरप्रमुख डा धवल शम्शेर राणाले नगरलाई खुल्ला दिसामुक्त घोषणासँगै सरसफाईयुक्त शहर निर्माणको अभियान शुरु हुने उदघोष गरे ।
२३ वडा रहेको नेपालगञ्जमा २१ औं वडाका रुपमा वडा न ११ लाई खुला दिसामुक्त वडा घोषणा गरिएपछि अब नगरमा २ वटा वडा मात्र खुला दिसामुक्त हुन बाँकी रहेका छन् ।
खुला दिसामुक्त अभियानका फोकल पर्सन ओबीराज आचार्यद्धारा सञ्चालित कार्यक्रममा वडा न ३ का वडा अध्यक्ष अव्दुल सिद्यीकी, उपमहानगरपालिका कार्यपालिका सदस्य कौशल धोवी, वडा नागरिक मञ्चका पुर्व संयोजक ऋचा द्धिवेदी लगायतले शुभकामना मन्तव्य व्यक्त गर्नु भएको थियो । जनप्रतिनीधी, स्थानीय अगुवा लगायतको उपस्थिती रहेको समारोहमा खुला दिसामुक्त अभियानमा सहयोग गर्नु हुने करिब दुई दर्जनलाई कदर पत्र सहित सम्मान गरिएको थियो ।

Next Post

फेसबुक प्रतिबन्ध लगाउने हल्ला फैलाइयो

२८ चैत्र २०७४, बुधबार १७:३९
सदरलाइनडटकम २८ चैत, नेपालगञ्ज :  बुधवार दिनभर सामाजिक सञ्जालमा ‘फेसबुक’ बन्द हुने अफवाह फैलियो । त्यो पनि नेपाल सरकारले नयाँ वर्ष २०७५ पछि फेसबुकमा प्रतिबन्ध लगाउन थालेको हल्ला चलाइयो । सूचना तथा सञ्चार मन्त्रालयको जस्तो ‘लेटरप्याड’मा फेसबुक बन्द गर्न लागिएको व्यहोरा सहितको पत्र ‘भाइरल’ गराइएको थियो । पत्रमा नेताहरुलाई फेसबुक […]