नेपालगञ्ज : बाँके प्रहरीले भन्सार छलेर नेपालगञ्जमा भण्डारण गरेको अवस्थामा करिव साढे ३८ लाख बराबरको कुर्तासुरवाल र साडी बरामद गरेको छ ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
जिल्ला प्रहरी कार्यालय बाँकेबाट खटिएको प्रहरीको टोलीले नेपालगञ्ज–२ न्युरोड भानुभक्तचोक नजिकै सोनी गुप्ताले आफ्नै घरमा भारतबाट अवैध रुपमा भन्सार छलि गरी ल्याइ भण्डारण गरी राखेको साडी र कर्ता सुरवाल बरामद गरेको हो ।
जिल्ला प्रहरी कार्यालय बाँकेका प्रवक्ता तथा प्रहरी नायव उपरिक्षक नारायण डाँगिले प्रहरीले भन्सार छलेर ल्याएको ४ हजार २ सय ४७ पिस कुर्ता सुरवाल र ८ सय ४० पिस साडी गरी ३८ लाख ३९ हजार २ सय मूल्य बराबरको सामान नियन्त्रणमा लिएर सोनीसहित आवश्यक कारबाहीको लागि भन्सार कार्यालय नेपालगञ्ज बाँकेमा बुझाईएको जानकारी दिए ।