खजुरा (बाँके) : बाँकेको खजुरामा रहेको सुशील कोइराला प्रखर क्यान्सर अस्पतालको रेडियोलोजि विभागमा आइतबार साँझ आगलागी भएको छ ।
रोडियोलोजी विभाग अन्तर्गत सिटि स्क्यान सेन्टरबाट सुरु भएको आगलागी रोडियोलोजी विभाग भरी फैलिएको थियो ।
![](https://sadarline.com/wp-content/uploads/2023/06/355735841_163168713323414_6806641009584846467_n.jpg)
![](https://sadarline.com/wp-content/uploads/2023/10/Ntc-add-1-.jpg)
आगलागी नियन्त्रणको लागि नेपालगञ्ज उपमहानगर पालिकाको दमकल, स्थानीय र नेपाल प्रहरीले प्रयास पछिनियन्त्रणमा आएको जिल्ला प्रहरी कार्यालय बाँकेले जनाएको छ ।
रेडियोलोजी बिभागको सिटिस्क्यान रकेको कोठाबाट फैलिएको आगो् बिभागको सम्पूर्ण भागमा फैलिएको थियो । अस्पतालका कर्मचारी, खजुरा स्थित दङ्गा नियन्त्रण कार्यालयका प्रहरी, इलाका प्रहरी कार्यालय धनौलीको प्रहरीहरु तथा स्थानीयबासीले आगलागी नियन्त्रणको गरेका थिए । विद्युत सर्ट भइ आगलागी भएको प्रारम्भिक अनुमान गरिएको छ ।
घटनाको क्षतिको विवरण आइ नसकेको बाँके प्रहरी प्रवक्ता प्रहरी नायव उपरिक्षक नारायण डाँगीले जानकारी दिए ।