नेपालगञ्ज : ब्राउन सुगरसहित नेपालगञ्जमा एक जना पक्राउ परेका छन् । नेपालगञ्ज उपमहानगरपालिका–२२ पुरैनाबाट अवैध लागूऔषध ब्राउनसुगर जस्तो देखिने पदार्थ १० ग्राम नगद ७ हजार ८ सय ५० रूपैयाँ र मोबाइल २ थानसहित सोही ठाउँ बस्ने १९ वर्षीय पवन बर्मा पक्राउ परेका हुन् ।
लागूऔषध नियन्त्रण ब्यूरो नेपालगञ्ज र जिल्ला प्रहरी कार्यालय बाँकेबाट खटिएको संयुक्त टोलीले उनलाई उक्त पदार्थसहित पक्राउ गरेको हो । उक्त सम्बन्धमा थप अनुसन्धान भइरहेको प्रहरीले जनाएको छ ।
