नेपालगञ्ज : बाँकेमा आयोजना हुने १५ औ जिल्ला स्तरिय राष्ट्रपति कप रनिङ्ग शिल्ड खेलकुद प्रतियोगिताको अन्तिम तयारी पुरा भएको छ ।
जिल्ला खेलकुद विकास समिति बाँकेको आयोजनामा हुने सो प्रतियोगितामा बाँकेका डुडुवा गाउपालिका बाहेक ७ वटा पालिकाका १ हजार खेलाडि, खेलशिक्षक लगायतको सहभागिता रहने बताईएको छ ।
सो प्रतियोगितामा भलिवल, कबड्डी, मार्शलआर्ट, एथलेटिक्सलगायतका विभिन्न ६ वटा विधामा प्रतिश्पर्दा रहने जिल्ला खेलकुद विकास समितिका अध्यक्ष संदिप जंग शाहले जानकारी दिए ।
स्थानीय स्तरमा लुकेका खेल प्रतिभालाई उजागर गर्ने महत्वपूर्ण प्रतियोगिताको रुपमा मानिदै आएको यो प्रतियोगिता पछल्लो समय ओझेलमा पर्दै गएको आयोजकको गुनासो समेत छ ।
नेपालगञ्ज कर्भड हल र रंगशालामा आयोजना खेल शनिबार सुरु भएर सोमबार समापन गरिने बताईएको छ ।
